The Icelandic Mustang Club

Reynsluakstur 2011 Mustang fyrri hluti

[inset side=left] Sigurður Ólafsson reynsluekur 2011 Mustang GT...[/inset]Fyrir tilviljun fékk ég í gær að reynsluaka 5.0 GT Mustang 2011 heilan dag og langaði til að deila þeirri reynslu með ykkur – ekki prófessional umsögn, en vonandi gert af einhverri ástríðu.

Byrjum á byrjuninni, þetta er greinilega Mustang. Þegar komið er að bílnum og sest inn í hann finnur maður að skyldleikinn við S-197 bílinn augljós. Hann virkar þó allur nettari, örlítið minna innanpláss en fyrirkomulagið sambærilegt og áður. Áður en sett er í gang vekur takkaflóðið í stýri og mælaborði athygli, sérstaklega að ekki er hægt að komast í miðstöðina fyrr en búið er að taka úr park.

Read more ...

Smá "tjún" tips fyrir 289/302

má "tjún" tips fyrir 289/302.

Þetta er "pakki" sem að ég er búinn að reyna sjálfur, og í 1965 Mustang fastback þá náði bíllinn með þessari uppsetningu 15,04 sek síðan voru sett á mótorinn hedd af 1969 351 Windsor og þá fór mótorinn í 1966 Falcon í miðjar /lágar 14,?? sek.

Báðir bílarnir voru með standard "converter" og "transpack" í C4 skiptingu, og báðir voru þeir að drifhlutfalli sem var nálægt 3,00:1.

Mótorinn var settur svona upp:

Með þessari uppsetningu var Mustang 1965 að eyða 12-14 lítrum á 100km innan bæjar og undir 10 lítum á langkeyrslu.

Þetta er ódýr og örugg uppsetning og ég myndi ekki breyta mörgu ef ég væri að setja upp svona mildan mótor í dag.

Það væri helst milliheddið og ég myndi þar fara í Weiand Stelth, sem er með mjög fínt snúningssvið eða frá 0 - 7000+ snúningar.

Þá myndi ég notast við flattop stimpla sem myndu gefa 9,0-10,5:1 þjöppu eftir því hvaða stærð af sprengirýmum væri notuð.

Þá er líka hægt að skoða það að nota aðra ása eins og CompCam 270H (specs: http://www.compcams.com/Company/CC/cam-specs/Details.aspx?csid=793&sb=2 )

Eða Lunati: #30602 Specs: http://www.lunatipower.com/Product.aspx?id=2210&gid=279, #00064 specs: http://www.lunatipower.com/Product.aspx?id=2186&gid=245

Þá er líka ás frá Summit: SUM-3600 specs: http://www.summitracing.com/parts/SUM-3600/, en þetta er gamall Ford Motorsport ás og við notuðum þennan ás með góðum árangri í 351W sem var í 1970 Mustang og hann náði miðjum 14sek með honum ál milliheddi og flækjum.

Allir þessir ásar hér að ofan eru með 109° eða meiri Lob Sep sem að þýðir að það er hægt að nota Power bremsur við þá.

Það væri kannski að CompCam 270H væri dálítið villtur fyrir standard converter og power bremsur, en þeir hjá CompCam segja að hann sé sá heitasti frá þeim, sem hægt er að nota við power bremsur og standard converter.

Þá verður líka að athuga að vélarstærð skiptir máli þar sem að stærri vél þolir heitari ás það má eiginlega segja að "kúbikin" éti niður ásinn að vissu marki.

Það þíðir meðal annars að þú fengir annað vinnslusvið og annan gang í 289cid vél en 351cid vél með sama ásinn.

Þannig að það væri kannski hægt að nota CompCam ásinn í 351cid eða stærri vél með standard converter, á meðan maður þyrfti að fá sér converter sem læsti (stallspeed) 1000 - 1500 snúningum hærra með 289/302 cid vél.

Það hafa væntanlega einhverjir rekið í það augun að ég nefni aðeins þrjú fyrirtæki í kambásunum en það er vegna þess að þessi tvö fyrirtæki CompCam og Lunati hafa reynst lang best fyrir Ford.

Önnur kambásafyrirtæki svo sem Crane sem er mjög vinsælt framleiðir mjög svipaða kambása fyrir allar bíltegundirnar, og síðan eru fyrirtæki eins og Crower sem smíða alveg frábær ása í Chevrolet, en nota síðan sömu hönnun fyrir Ford, Chrysler og alla aðra.

Svoleiðis ásar koma yfirleitt mjög illa út og þeir sem eru að hæla ásum frá viðkomandi fyrirtækjum eru flestir með sérsmíðaða ása fá þeim, og þeir eru að sjálfsögðu mjög góðir.

Þá skiptir líka miklu máli að vera með rétt drifhlutfall og alls ekki að fara upp fyrir 3,50: 1 fyrir þetta litlar vélar.

En þá stekkur þetta líka af stað þar sem bílarnir eru léttir, og læsingar eru alveg nauðsinlegar.

Svona breytingar gera ekkert nema gott fyrir aksturshæfni bílsins og ef menn vilja ekki þann smá hávaða sem að fylgir flækjum, nú þá er bara að lát Ceramick húða þær!

Meira seinna.

kv.

Hálfdán.

Reynsluakstur 2011 Mustang seinni hluti

Ég má að áeggjan Stefáns til með að bæta við nokkrum myndum af 5.0 Mustanginum og teygja aðeins á umsögninni.

Bíllinn kemur std. á 19” felgum 245x45 prófíll svo dekkjahæð er svipuð og á S-197 bílnum. Mér finnst þau virka nett í hjólskálinni og má örugglega setja undir breiðari dekk án vandræða. Það er líka búið að svera púststútana upp í ca. 4” mjög áþekkt Flowmaster stútunum. Úttakið úr kútnum er áfram 3” er bara sverað upp í bláendann.

Loftinntakið er nú með ”cold air induction” að sögn Ford og greinilega búið að svera sogpípuna upp í ca 90mm, svo 390 ft-lbs togið er að hluta fengið með búnaði sem margir bæta á S-197 bílinn. Þar fer togið upp undir 345ft-lbs með CAI og tjúnni svo réttara væri að bera 5.0 bílinn við það og þá er togaukningin ekki 20% heldur 13% sem fæst með 8% rúmtaksaukningu, annarri ventlasetningu og hærri þjöppun.

Speglarnir eru minni en á S-197, eins konar blanda af eldri Mustang speglum. Það pirraði mig pínu að það er komið trukkainsert með stækkun í spegilhornið, þetta minnkar spegilflötinn en getur hugsanlega hjálpað til í þröngum stæðum ef einhverjum dytti sú firra í hug að troða svona bíl í þröngt stæði. Eins og hinn glöggi rýnir sér í myndinni hér fyrir neðan er örugg fjarlægð í bílana á eftir . . .

Skottið er þrengra en á S-197, bæði grynnra og styttra. Opið hefur einnig þrengst við breytinguna á afturendanum. Það er ágætt pláss fyrir tvær meðalstórar töskur og smá aukadót. Ég fór ekki aftur í bílinn, enda sýnist mér aftursætið nú aðallega vera fyrir fótalausa einstaklinga – það voru bara 5 cm milli framsætisbaks og aftursætis, sem er enn minna en í S-197. Fyrir flesta Mustangeigendur eru þetta líklega trivial breytingar, því Mustanginn er ekki mikill ferðabíll.

Að lokum fannst mér húddprófíllinn skemmtilegur, gaman að horfa yfir það og kom einhvern veginn strax meiri tilfinning fyrir framendanum, en á S-197 bílnum að honum ólöstuðum.

Vegna mjög djúps 1. gírs er spólvörn alger nauðsyn, nema ekið sé á götuslikkum. Það þarf ekki mikla inngjöf með spólvörnina af til þess að kvittað sé fyrir sig með svörtu í malbikið – gríðarlega gaman samt, en krefst þess að mikið horft sé í kringum sig í leit að þeim borðalögðu.

Enn og aftur, gríðarlega skemmtilegur bíll og afar eftirsóknarverður að mínu mati.

Lýkur svo þessum pistli,

Hve lítið kemst maður upp með að eyða í uppgerð á mótor í dag?

Hve litlu kemst maður upp með að eyða í uppgerð á mótor í dag?

Hérna skulum við skoða "small blokk" Ford.
Það er lítill sem enginn munur á verði hluta í 221/260/289/302 og 351cid Windsor.
Öll verð eru fengin hjá "Summit Racing"
Ekki er tekið með í þessu: Borun á blokk, rennsla á sveifarás eða önnur vélavinna.
Einungis er tekið varahlutaverðið og hvað er æskilegt að keypt sé.
Hér erum við ekki að gera upp original vél og ekki heldur keppnisvél, heldur milda og skemmtilega götuvél sem að gengur á 95 okt. bensíni, eyðir temmilegu, er góð á rúntinn og hefur skemmtilegt afl. Sem sagt getur hreyft dekk (ekki Krúser væn sem sagt).

Ok þá skulum við byrja á innkaupalistanum fyrir "shortblockina"

Við skulum byrja á olíudælunni.
Það hefur ekkert upp á sig að segja að fá sér dælu sem að dælir meiri þrýstingi þar sem að það er ekki það sem SBF (small block Ford) þarf, hins vegar hefur hún eins og allar aðrar vélar gott af því að fá mikið magn þess vegna skulum við skoða "high volume" olíudælu.
Þar er hægt að fá margar gerðir, en þær sem að standa upp úr fyrir svona mótor eru "Melling" og "Milodon", "Melling" framleiðir meðal annars allar dælur fyrir Ford og Ford Motorsport.

Þá vantar að fá drifskaftið frá kveikjunni að olíudælu, en það borgar sig að kaupa öflugra skaft til að dælan sem er þyngri í keyrslu en sú upprunalega snúi ekki gamla skaftið í sundur og valdi olíuleysi og þar með úrbræðslu. Þau er hægt að fá frá til dæmis "ARP, Melling og Milodon".

Þá erum við komin að sveifarásnum og þar skulum við gefa okkur að hann hafi þurft að renna í 0,010 sem gert er á vélaverkstæði hér heima samkvæmt þeirra verðskrá.
Legurnar eru hins vegar mjög svipaðar í verði sama hvaða yfirstærð er keypt, það er þá bara spurning um tegund.
Tegundin getur skipt máli þar sem að legurnar eru mismunandi harðar og eru til dæmis "Clevite" og "Michigan 77" legurnar taldar vera harðari en til dæmis "Fedral Mogul".
"Fedral Mogul" eru hins vegar taldar mjög góðar í "léttjúnaðar" götuvélar og eru frekar ódýrar, málið er bara að með fleiri fyrirtækjum sem að framleiða legur þá hafa mörg önnur fyrirtæki eins og "Fedral Mogul" minkað sína línu af legum.
Ég ætla því að taka tvær ódýru legurnar bæði höfuðlegur og stangarlegur sem að "Summit Racing" bíður upp á.

Höfuðlegur:

Kambáslegur:

Þá er komið að stimpilstöngunum.
Original Ford stangir í 289 og 302 vélum þarfnast smá aðstoðar og það eru þá helst boltarnir sem eru veiki hlekkurinn í þeim.
Það voru aðeins 289 high performance og Boss 302 sem voru með almennilegar stangir, enda sömu stangirnar í þessum vélum og þær eru með 3/8" stimpilstangaboltum.
Allar aðrar stangir í þessum vélum eru með 5/16" boltum sem eru mun grennri og er í raun ekki hægt að treysta á snúningi yfir 6000.
Með því að setja ARP bolta í stangirnar þá er verið að taka burtu veikan hlekk og auka styrk vélarinnar sem margborgar sig miðað við hversu ódýrir þessir boltar eru.

Stimplar í 289cid vélina eru taldir vera nokkuð góðir original en stimplar í 302 eru gjarnir á að brotna, þannig að með því að setja herta/þrykkta stimpla í vélina þá er það vandamál úr sogunni.
Flattop stimplar eru alltaf betri en "dish" "dome" út af betri bruna þannig að ég ætla að halda mig við svoleiðis stykki.
Stimplar eru til frá mörgum fyrirtækjum en hér verða teknir stimplar sem eru fáanlegir án sérpöntunar (of the shelf).

Þá er komið að kambásnum:
Ég ætla bara að setja tvo ása hér inn.

Annar er Lunati Bracket Master II ás og lyftur.

Og hinn er Comp Cam 268 High Energi með kit, sem samanstendur af kambás, undirlyftum, ventlagormum, tímagír.
Hér eru upplýsingar um CompCam kittið:

Þá er komið að heddum.
Heddin eru mjög mikilvæg hvað varðar að þau bæði fóðra mótorinn á bensínblöndu og losa hann síðan við afgasið, þannig að flæðið verður að vera sem best, einnig er mjög mikilvægt að sprengirýmin (brunahólf) í heddunum séu sem best úr garði gerð.
Það getur munað öllu að vera með gott sprengirými vegna þess að þó svo að vél sé aðeins með 10:1 þjöppu og hedd með illa gerðum sprengirýmum þá getur þurft að keyra hana á bensíni með mun hærri oktan tölu en ef heddin eru með vel hönnuð sprengirými.
Þá þarf einnig að skoða með ventlastærð í heddum.
Til dæmis eru hedd á 289cid Ford með 49-55cc sprengirýmum sem eru nokkuð vel löguð, á meðan 351W er með allt að 76cc sprengirýmum í yngstu mótorunum en algengast er samt 62cc.
Elstu 289cid vélarnar eru með 1,67" inn og 1,45" út ventla en "high performance" vélarnar voru með 1,78" inntaks ventla og 1,45" blásturs ventla.
Lengi hefur þessum heddum verið skipt út fyrir hedd af 351Windsor sem eru með 1,98" intak og 1,68" blástur, og auðvelt er að stækka ventlana í 2,02" á inntakinu og í 1,72" á blæstrinum.
Það er talið betra að lækka þjöppu um einn heilann og rúmlega það (til dæmis frá 10:1 niður í 9:1)
og fá hedd með góðu flæði og stórum ventlum heldur en að reyna að vera að halda í þessa þjöppu sem gerir síðan lítið gagn þar sem að slæm hedd virka sem mótorbremsa.
Þegar menn skipta yfir í 351W hedd þá verður að fá nýjar undirlyftustangir þar sem heddin eru hærri en standard 289/302 heddin þannig að það verður að fá 6,905" langar undirlyftustangir eins og þessar til dæmis: CRN-95619-16 eða SUM-G6406 , síðan er 289/302 með 7/16" heddbolta á meðan 351W er með 1/2" bolta þannig að auðveldast er að fá sér ARP bolta sem að eru gerðir fyrir þessi heddaskipti "ARP 154-3605".

Síðan er bara að spá í hvort heddin eru það góð að það borgi sig að nota þau.
Málið er það björninn er ekki unninn þó svo að maður sé kominn með 351W hedd, það þarf líka að spá í hvernig þessi hedd eru sem að maður hefur náð í.
Öll vélavinna er mjög dýr þannig að það eitt að þurfa að skipta um ventla stýringar getur slagað upp í verð á ódýrum álheddum!
Ef síðan það þarf að skipta um bæði ventla ventlasæti og stýringar, þá er nokkuð öruggt að það borgar sig að kaupa álhedd frekar en vera að gera upp þau gömlu.

Þá er komið að "rockerörmum" og það ætti að vera auðvelt, þar sem ekki þarf að skipta um "rockerarma" nema að skipt hafi verið út vökvás fyrir Roller eða mekanískan ás en það erum við ekki að tala um hér.
Kannski seinna.

Millihedd eða það sem kallast á góðri Íslensku soggrein.

Með þær græjur sem að við erum að tala um hér að ofan þá er nærtækast að velja svokallað "Dual palne" millihedd þar sem það gefur meira tog og vinnur á lægri snúning heldur en "single plane" millihedd sem aðallega eru gerð fyrir milli og há-snúning.

Þar er ódýrast:

Það sem að mér líst persónulega best á er Weiand Stelth milliheddið, þar sem það hefur mesta möguleika ,á kambásskiptum ef að menn myndi langa til að setja heitari á í mótorinn þá þarf ekki að skipta um millihedd.
Ég var líka með Stelth á mótor hjá mér og hef ekkert nema gott að segja um það.

Blöndungur er að sjálfsögðu nauðsinlegur á svona mótor og þar myndi ég nota Holley 750cfm (4160 seríu) með vacum aftari hólfum og 30cc viðbragðsdælu.
Það væri auðvitað nóg að nota Holley 600cfm (4160sería) sem er líka með vacum aftari hólfum en mér finnst persónulega að 750cfm blöndungurinn bjóði upp á meiri möguleika.

Og þá er komið að því sem margir gleyma og það eru pústflækjur og gott púst undan bílnum.
Ef að það er ekki gert að hafa góðar flækjur og púst er búið að eyðileggja það sem að sett hefur verið í mótorinn til að tjúna hann þar sem að upprunalegu greinarnar ná ekki að flæða í samræmi við það sem er búið að setja í mótorinn og virka því eins og mótorbremsa á dísilvél.
Það þarf ekki dýrar flækjur til þess að þær virki, en þó verður að skoða bæði sverleika á rörum og "collector" þegar verið er að kaupa flækjur og svo er líka gott að skoða hvernig suðurnar eru þar sem suður á ódýrari flækjum vilja oft leka.
Það er mikilvægt að menn kaupi sér "long tube" eða langar flækjur á þessar litlu vélar eins og 289/302 til þess að ná sem mestu togi "torqu" út úr þessum litlu vélum.

Við skulum hérna skoða hvaða flækjur Summit býður upp á:

Þá er bara að fá gott 2,5" til 3" pústkerfi með góðum hljóðkútum eins og til dæmis
Flowtech 50052FLT sem eru bæði góðir og ódýrir og flæða vel samkvæmt prófunum.

Svo er bara að velja flott ventlalok eða nota bara þau gömlu, en eitt þarf þó að vera með og það er pakkningasett eins og:

Reyndar er það eitt í viðbót sem að menn gætu verið að spá í og það er kveikja.
Málið er bara að flestir eru þegar komnir með rafeindakveikjur þannig að það ætti ekki að þurfa að breyta eða bæt í því tilviki.
Auðvita er alltaf betra að setja MSD magnara við kveikjuna og vera með góða kveikju eins og MSD Pro Billet eða Mallory Unilite en það er eitthvað sem að ég læt ykkur ráða.

Samtals gerir þessi upptalning 1439,94$ sem gerir samkvæmt gengi dagsins sem er 115kr pr USD.
1439,94x115 = 165593,10- kr það má síðan segja að þetta sé x2 hingað komið sem sagt: 331186,20.- kr.

ATH þetta er aðeins verðhugmynd miðað við að panta sjálfur, það verður hver og einn að skoða þetta fyrir sig og síðan kostar náttúrulega meira að panta!

Síðan er bara að skoða hvað borun á blokk og rennsla á sveifarás kostar og þá er bara að byrja!